Papel
Os contedores de papel levan 20 anos en funcionamento en España. Temos un contedor por cada 215 persoas. En España, aproximadamente un 80% dos cidadáns e dos fogares son recicladores activos.
Este contedor é fácil de distinguir e de usar, xa que está destinado unicamente a papel e cartón.
Que tiro ao contedor de papel?
-
Xornais, cadernos, follas, revistas e sobres sen partes plásticas nin grampas.
-
Caixas e cartóns de cereais, galletas, comidas precociñadas e conxeladas, comida rápida, zapatos etc.
-
Caixas de ovos de cartón, tubos de papel hixiénico e panos de mesa de papel que non estean manchados.
-
Bolsas de papel sen asas de plástico ou fío nin plásticos.
-
Papel de agasallo sen adornos plásticos nin cintas adhesivas de ningún tipo nin etiquetas plastificadas.
-
Papel usado para debuxos técnicos ou recortes destes sen aluminio nin verniz.
-
Cartolinas simples e papeis para manualidades ou artesanías e todo tipo de residuos ou cachos sobrantes de papel, sempre que estean secos e limpos.
Que non tiro ao contedor de papel?
-
Papel manchado de graxas ou outros residuos.
-
Papel plastificado, encerado ou parafinado, adhesivo ou con restos de pegamento, papel autocopiativo ou papel carbón, de fax ou fotográfico.
-
Cueiros, panos e produtos de hixiene íntima usados.
-
Briks ou bolsas de plástico, pratos e vasos de usar e tirar, bandexas de cortiza branca.
Boas prácticas
Procura dobrar ou cortar ben os papeis e cartóns antes de depositalos no contedor. Resultarache máis fácil e cómodo introducilos no contedor e ocuparán menos espazo.
Tenta reutilizar as bolsas de papel e cartón para gardar na casa este tipo de residuos. Deste xeito, cando vaias botalos non contedor non terás que sacalos da bolsa e poderás depositar todo xunto.
Non deixes caixas de cartón sen desmontar ao pé do contedor. Non che custa nada desarmalas ou esmagalas e introducilas tamén.
